Канцэрты ад зорак Еўрабачання, тэатральны Брадвей, вогненнае шоу, фестываль сыру і іншыя незабыўныя забавы. Да галоўнага свята горада застаецца роўна месяца. Гродна рыхтуецца адзначыць свой 890-ы дзень нараджэння. Святочныя мерапрыемствы прадоўжацца два дні. 14 верасня адбудзецца ўрачыстая цырымонія ўнясення ў Кнігу Славы горада Гродна лепшых яго прадстаўнікоў. Таксама пройдуць урачыстыя мітынгі і ўскладанне кветак да помнікаў, мемарыяльных дошак і воінскіх пахаванняў. Асноўныя ж святочныя гулянні пройдуць у суботу 15 верасня. Упершыню за шмат гадоў урачыстае адкрыццё святкавання Дня горада адбудзецца не на плошчы, а на вуліцы Савецкай. У 11 гадзін адна з самых старажытных вуліц горада стане пляцоўкай для правядзення святочнага карнавалу, дзе змяшаюцца ўсе эпохі і ўсе часы. Сярэднявечныя рыцары, модніцы і моднікі 19-20 стагоддзяў, любімыя сучасныя персанажы. Імправізаваны вандроўны тэатр дазволіць кожнаму нібы пагрузіцца ў ажывелую кампутарную гульню, і пры гэтым быць не проста гледачом, а адчуць сябе ўдзельнікам гэтага незвычайнага дзейства.
Агата Мацко галоўны рэжысер свята:
-У Еўропе і нават у нашых братоў расіян ўжо даўно традыцыйным становяцца вулічныя гулянні ў так званым иммерсіўным ключы. Иммерсіўны тэатр, гэта тэатр, які дазваляе гледачу цалкам пагрузіцца ў атмасферу і не знаходзячыся ў чатырох скрынках сцэны, стаць непасрэдным удзельнікам падзей эпізодаў, якія праходзілі на вуліцы Савецкай.
Таксама 15 верасня на плошчы Савецкай адбудзецца фестываль сыру, на які традыцыйна з'едуцца лепшыя сыраробы з усёй краіны, каб пачаставаць гасцей свята духмянымі дэлікатэсамі. У сырным горадзе дэгуставаць малочны ласунак, захапляцца кулінарнымі вырабамі можна будзе на працягу ўсяго дня. А далей пачнецца самае вясёлае – музычныя падарункі ад зорак беларускай эстрады. Арганізатары абяцаюць: праграма выступленняў выканаўцаў і калектываў будзе насычана сюрпрызамі і навінкамі.
Агата Мацко галоўны рэжысер свята:
-З шасці вечара пачнуць прыязджаць і выступаць артысты, як гродзенскага паходжання, так і артысты, якія знакамітыя не толькі ў нашай краіне, але і за межамі, але яны з'яўляюцца беларусамі. Мы хочам прывесці сапраўдных зорак Еўрабачання ў горад Гродна, якія праспяваюць як песні, з якімі яны выступалі на Еўрабачанні, прадстаўлялі нашу краіну, так і праспяваюць свае знакамітыя хіты.
У Дзень святкавання 890-годдзя горад Гродна прымерыць на сябе адразу некалькі нарадаў – «музычны», «тэатральны», «гістарычны», «спартыўны» . Самая відовішчная частка свята пройдзе пасля заходу сонца ў Швейцарскай даліне. Тут адбудзецца вогненнае шоў, якое традыцыйна робіць свята горада па-сапраўднаму яркім і непаўторным.
Па матэрыялах «Гродна Плюс»